Den magiske grensa er brote!

Dei som har sett tv-programmet frå Sørburøya i fjor, vil kanskje hugsa løpet frå skulen til kaia, og jakta på å bryta treminutts-grensa på strekninga under løp. I dag skjedde det! Truls sprang strekninga på 2,54, og er altså ny regjerande meister i Sørburøydistansen, vi gratulerer! Sigvart slo også den gamle rekorden, med ei tid på 3,0. Eg tykkjer det er verdt å merka seg at det er fleire som har tøygd seg langt; ingen elevar på skulen spring distansen på lengre tid enn 4,20. Oppsiktsvekkande – og kjempebra forbetringar av gruppa i barneskulen. Mykje løpstalent på Sørburøya, og alle er med!