Mange aktivitetar på korpsturen

Det var sjølvsagt planlagt på førehand at vi skulle til Liseberg den eine kvelden, og det vart ein triveleg utflukt! Mange saker vart prøvd, sjølv om ikkje alle satsa på den store berg-og dalbanen Helix og det høge fritt-fall-tårnet AtmosFear… Berg- og dalbanen i treverk og flyterenna med «tømmerstokkar» ein skulle segla i var populære, registrerte vi. Elles har vi også besøkt Universeum med flotte naturutstillingar og digert akvarium, botanisk hage, handlestroket på Avenyen, og ein gjeng gjekk også på kino.